2020-05-16 12:16:58, 1693 ნახვა

---

ბურჯანაძე - ხელისუფლებამ დაუშვა იმდენად მძიმე შეცდომა, რომ დამოუკიდებელი საქართველოს ისტორიაში საერთაშორისო თანამეგობრობა პოლიტპატიმრებზე ალაპარაკდა

ხელისუფლებამ დაუშვა იმდენად მძიმე შეცდომა, რომ დამოუკიდებელი საქართველოს ისტორიაში საერთაშორისო თანამეგობრობა პოლიტპატიმრებზე ალაპარაკდა, - ამის შესახებ „დემოკრატიული მოძრაობის“ ლიდერმა, ნინო ბურჯანაძემ განაცხადა.

მისი თქმით, გზავნილები, რომელიც მოდის აშშ-ის კონგრესიდან, სენატიდან, ევროპარლამენტიდან და დასავლელი პარტნიორებისგან, საგანგაშო სიგნალია.

„ძალიან სამწუხაროა, რომ ხელისუფლებამ გააკეთა ყველაფერი რისი გაკეთებაც შეიძლებოდა იმისათვის, რომ კითხვის ნიშნის ქვეშ დამდგარიყო ხელისუფლების პარტნიორობა საერთაშორისო თანამეგობრობასთან. ძალიან სამწუხაროა, რომ ხელისუფლებამ დაუშვა ძალიან მძიმე შეცდომები. იმდენად მძიმე, რომ პირველად დამოუკიდებელი საქართველოს ისტორიაში, საერთაშორისო თანამეგობრობა ალაპარაკდა პოლიტიკურ პატიმრებთან დაკავშირებით და რა თქმა უნდა, მიმაჩნია, რომ ეს გზავნილები, რომელიც მოდის აშშ-ის კონგრესიდან, სენატიდან, ევროპარლამენტიდან და საერთოდ, დასავლელი პარტნიორებისგან, არის ძალიან საგანგაშო სიგნალი“, - განაცხადა ნინო ბურჯანაძემ.

---

ავტორი: ლუკა ცარციძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი