2020-05-15 21:45:11, 1826 ნახვა

---

კობახიძე - მართლმსაჯულების სისტემის არასათანადო პოლიტიზება არის ის განცხადებები, რომელსაც აკეთებენ ოპოზიციის წარმომადგენლები

„ქართული ოცნების“ აღმასრულებელი მდივნის, ირაკლი კობახიძის განცხადებით, ხელისუფლებისა და ოპოზიციის მეირ დადებული 8 მარტის შეთანხმებაში გიგი უგულავას და ირაკლი ოქრუაშვილის გათავისუფლების შესახებ საუბარი არ ყოფილა. ა

მისი თქმით, მართლმსაჯულების სისტემის არასათანადო პოლიტიზება არის ზუსტად ის განცხადებები, რომელსაც აკეთებენ ოპოზიციის წარმომადგენლები.

„ჩვენ არაერთგზის გავაკეთეთ განცხადება იმის თაობაზე, რომ ეს არის ტყუილი. 8 მარტის შეთანხმებით, ჩვენ მოვაწერეთ ხელი დოკუმენტს, რომელიც ითვალისწინებდა საარჩევნო სისტემის ჩამოყალიბებას 2020 წლის საპარლამენტო არჩევნების ჩამოყალიბებისთვის და მეორე, ითვალისწინებდა მართლმსაჯულების სისტემის არასათანადო პოლიტიზებას. მართლმსაჯულების სისტემის არასათანადო პოლიტიზება არის ზუსტად ის განცხადებები, რომელსაც აკეთებენ ოპოზიციის წარმომადგენლები. აქედან გამომდინარე, ეს არის ტყუილი, ეს არაერთხელ ვთქვით და კიდევ ერთხელ შეგვიძლია გავიმეოროთ“, - განაცხადა ირაკლი კობახიძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი