17 მაისს მსოფლიო ჰომოფობიის წინააღმდეგ ბრძოლის საერთაშორისო დღეს აღნიშნავს.

ამ დღესთან დაკავშირებით თბილისში დაგეგმილ ღონისძიებაში ადამიანის უფლებათა კომიტეტის თავმჯდომარე, სოფიო კილაძე მონაწილეობას არ მიიღებს.

ჰომოფობიის წინააღმდეგ ბრძოლის საერთაშორისო დღესთან დაკავშირებით თბილისი პრაიდის ორგანიზებით ონლაინ აქცია ჩატარდება.

აქციაში მონაწილეობას პრემიერ-მინისტრის მრჩეველი და სახალხო დამცველი მიიღებენ.

„17 მაისს ვაკეთებთ ონლაინ ღონისძიებას და მივმართეთ სხვადასხვა აქტორს, ვისაც ეხება ჰომოფობიისა და ტრანსფობიის წინააღმდეგ ბრძოლა. მათ შორის არიან საქართველოს პარლამენტის წევრები, მთავრობის ადმინისტრაცია და ბევრი ის პირი, ვინც უშუალოდაა ამ საკითხში ჩართული.

სოფო კილაძემ მოგვწერა უარი. ცოტა გაურკვეველი შინაარსის იყო, თქვა, რომ სახალხო დამცველი უკვე იღებს მონაწილეობას ამ ღონისძიებაში და არ ჩათვალა ამ ფორმატში მონაწილეობის მიღება. ზოგადად ადამიანთა უფლებათა დაცვის კომიტეტის თავმჯდომარე არ გამოირჩეოდა ხოლმე წინა წლებში ლგბტ ადამიანების უფლებათა დაცვით და ესაა გაგრძელდება, განსაკუთრებულ ცვლილებას არ ველოდით“, - განაცხადა გიორგი თაბაგარმა „ტვ პირველთან“.

ამასთანავე, თბილისის მერიას ლგბტ თემის წარმომადგენლებმა მიმართეს, რომ ჰომოფობიის საერთაშორისო დღესთან დაკავშირებით თბილისის ანძა ლგბტ ფერებში განათდეს, თუმცა მათ ამ დრომდე რაიმე პასუხი არ მიუღიათ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს