ზღვის ნაპირის-პლაჟის საწმენდი მანქანა-დანადგარი ,,ბიჩტეკი-3000’’ ექსპლუატაციაში გაუშვეს. ფოთის ისტორიაში პირველად ხორციელდება ზღვის სანაპიროს მექანიზმების საშუალებით გაწმენდა-დასუფთავება.
როგორც „ექსპრესნიუსს’ ფოთის მერიიდან აცნობეს, ,,ბიჩტეკს’’, რომელიც ორი კომპონენტისგან - ტრაქტორისა და მწმენდავ-ლაფეტისგან შედგება, შესვენების გარეშე შუძლია 8 საათი იმუშაოს, საათნახევარში 1,5 ჰექტარი სანაპიროს ტერიტორია დაასუფთაოს და ქვიშის 5-10 და 20სმ-ის სიღრმიდან ამოიღოს ნარჩენი.
მალთაყვის პლაჟზე სანაპიროს დასუფთავების სამუშაო პროცესს დაესწრნენ და აგრეგატის მუშაობის სპეციფიკითა და ეფექტურობით, მუნიციპალიტეტის მერი ირაკლი კაკულია, საკრებულოს თავმჯდომარე ალექსანდრე თოფურია და მერიის ადმინისტრაციული სამსახურის უფროსი ზვიად შუბითიძე დაინტერესდნენ.
მათივე ინფორმაციით, ,,ბიჩტეკის’’ ექსპლუატაციას ახდენს დასუფთავების სამსახურის სამკაციანი მობილური ჯგუფი.
 შპს ,,ინფრასტრუქტურა 2008’’-ის დირექტორმა გია სილოგავამ ქალაქის ხელმძღვანელებთან საუბარში როგორც განაცხადა, ნაპირმწმენდი მანქანის ექსპლუატაცია ამჯერად საწყის ეტაპზეა.
 მუშაობის სრულყოფისათვის საჭიროა დამატებითი ექსკავატორის ჩართვა, რომელიც ნაპირზე გამოტანილ დიდი მოცულობის საგნების აკუმულაციას მოახდენს, შეგროვილი მასა თვითმცლელით გადაიტანება. საყურადღებოა ის, რომ ,,ბიჩტეკს’’ გრუნტის სხვადასხვა სიღრმიდან ამოქავს ძველი, მრავალი წლის მანძილზე ჩაფლული ნაგავი და ნარჩენები. სისუფთავის იდეალური მდგომარეობა პლაჟზე, დროთა განმავლობაში მიიღწევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი

Amnesty International - საქართველოში ქალი მომიტინგეები ხდებოდნენ გენდერული და სექსუალური ძალადობის სამიზნე