კონკრეტულად როდის რა კითხვის ნიშანი გაჩნდება ტესტების მიმწოდებლებთან მიმართებით, ამის წინასწარ პროგნოზირება ჩვენ არ შეგვიძლია, - ამის შესახებ ჯანდაცვის მინისტრის პირველმა მოადგილემ, თამარ გაბუნიამ განაცხადა.

როგორც მან ბრიფინგზე აღნიშნა, ტესტების ხარისხის ან ფალსიფიცირების თაობაზე სიგნალის გაჩენის შემთხვევაში შესაბამის რეაგირებას რეგულირების სააგენტო მოახდენს.

„საქართველოში ყველა მომწოდებელი კომპანია რეგისტრირებულია და ეს ინფორმაცია შეგიძლია მოითხოვოთ რეგულირების სააგენტოსგან. რაც შეეხება იმ ტესტებს, რომლებსაც ჩვენ ვყიდულობთ, ეს ნუსხაც არის ძალიან დიდი და ჩვენ გაეროს სააგენტოებთან და სხვა საერთაშორისო ორგანიზაციებთან აუცილებლად გავდივართ კონსულტაციას, ვიდრე ვიღებთ გადაწყვეტილებას ახალი ტესტების შესყიდვის შესახებ. როგორც მოგეხსენებათ, აქამდე იყო ძალიან დიდი მხარდაჭერა კორეაში გამოყენებული ანტიგენების ტესტებთან მიმართებაში. ამ ეტაპზე ჩვენ გვაქვს 50 000 ანტიგენების ტესტი, რომლის იმპორტი მოხდა კორეიდან, თუმცა მწარმოებელი ქვეყანა ამ შემთხვევაში არის ავსტრია. ასევე, გვაქვს გარკვეული რაოდენობის ანტისხეულების ტესტები როგორც ადგილზე, ასევე შესყიდვაში და ასევე, რეგისტრირებული მიმწოდებლისგან. კონკრეტულად როდის რა კითხვის ნიშანი გაჩნდება ამ მიმწოდებლებთან მიმართებით, ამის წინასწარ პროგნოზირება ჩვენ არ შეგვიძლია, ამას რეგულირების სააგენტო ადევნებს თვალს და თუ რომელიმე ქვეყანაში გაჩნდა სიგნალი ხარისხის ან ფალსიფიცირების თაობაზე, რეგულირების სააგენტო ამით დაინტერესდება, შესაბამის მოკვლევას ჩაატარებს და რეაგირებაც იქნება სათანადო“, - განაცხადა თამარ გაბუნიამ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს