თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, მათ კლინიკაში კორონავირუსით ინფიცირებული ორი პაციენტი მოათავსეს.

მისი თქმით, პაციენტების თეთრიწყაროს კლასტერს მიეკუთვნება.

„ახალი დადასტურებული სამი შემთხვევა და ამ ეტაპზე 638 პაციენტი გვყავს ქვეყანაში. 8 გამოჯანმრთელებული დაგვემატა და სულ 317 გამოჯანმრთელებული გვყავს.

სამივე ახალი დადასტურებული თეთრიწყაროს კლასტერია და იმყოფებიან საკარანტინე სივრციდან.

დილას შემოვიდა ორი პაციენტი. ეს ორი პაციენტი გუშინ დადასტურებული 9 შემთხვევიდანაა. ორივე თეთრიწყაროდანაა.

ამ ეტაპზე გვყავს 41 დადასტურებული შემთხვევა. გუშინ გამოჯანმრთელდა ერთი პაციენტი.

მძიმე პაციენტების მდგომარეობას რაც შეეხება, ერთი კრიტიკული პაციენტი, რომელიც გვყავდა, შეიძლება ითქვას, რომ მეორე დღეა მასთან მდგომარეობის სტაბილიზირება მიღებულია, მაგრამ ჯერ მასთან რაიმე პროგნოზის გაკეთება არ შეიძლება, იმიტომ, რომ თუ ასე გაგრძელდა სიტუაცია მერე შეიძლება პროგნოზირება.

დაგვემატა ერთი პაციენტი მძიმე პნევმონიით“, - განაცხადა მარინა ეზუგბაიამ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

საქართველოში ბავშვების საყოველთაო ნათლობა გაიმართა

სამველ კარაპეტიანი: უკან აღარ დავბრუნდები, სომხეთში 10 წელი ვიმუშავებ

ფაშინიანი ხმის მიცემის შემდეგ - მიყვარს საქართველო და მიყვარს ქართველები

ფაშინიანი პუტინის განცხადებაზე: რეფერენდუმი მაშინ ჩატარდება, როდესაც რეფერენდუმის თემა იქნება