სასჯელაღსრულებისა და პრობაციის მინისტრი კახა კახიშვილი სამედიცინო დეპარტამენტის წარმომადგენლებსა და პენიტენციური დაწესებულებების მთავარ ექიმებს შეხვდა. 

გაცნობითი ხასიათის შეხვედრაზე მინისტრმა აღნიშნა, რომ სამედიცინო მიმართულება სამინისტროსთვის პრიორიტეტია და სამედიცინო პერსონალს, სისტემაში არსებულ ვითარებასთან დაკავშირებით, საკუთარი მოსაზრება გააცნო.

 კახიშვილის განმარტებით, პენიტენციური სისტემის მდგრადობას პენიტენციური ჯანდაცვის გამართულად მუშაობა უზრუნველყოფს. მინისტრი მზადაა თანამშრომლების მხრიდან პენიტენციური ჯანდაცვის ეფექტურად ფუნქციონირებისათვის წინადადებები მოისმინოს და საინტერესო მოსაზრებები გაიზიაროს. 

„ჯანდაცვის მიმართულება არის ჩვენი სამინისტროს პოლიტიკის პრიორიტეტი, უკვე რამდენიმე წელია ჯანდაცვის სისტემა ჩვენთან ძალიან ეფექტურია და ხელმისაწვდომობა ძალიან მაღალია. ჩვენ დღეს ვისაუბრეთ იმ მოკლევადიან გეგმებზე, რომელიც გვაქვს, ასევე ვისაუბრეთ იმაზე, რა შეიძლება გავაკეთოთ გრძელვადიანი რეფორმების კუთხით“ - განაცხადა კახა კახიშვილმა.

შეხვედრის მონაწილეთა განცხადებით, მინისტრის მხარდაჭერა მათთვის დიდი სტიმულია  და პენიტენციური ჯანდაცვის პრიორიტეტულ მიმართულებად გამოცხადება ბევრი საინტერესო პროექტის განხორციელების საფუძველი შეიძლება გახდეს.  

სასჯელაღსრულებისა და პრობაციის მინისტრის მომდევნო შეხვედრა პენიტენციური ჯანდაცვის წარმომადგენლებთან  მომავალ კვირასაც იგეგმება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს-ი ირწმუნება, რომ 4 ოქტომბერს საქართველოს და მის ფარგლებს გარეთ მოქმედ პირთა ჯგუფი გეგმავდა სამოქალაქო არეულობის პროვოცირებას

პოლიციამ, მარნეულში ცრუ ჩვენების მიცემისა და ჯგუფურად ჩადენილი ხულიგნობის ბრალდებით 11 პირი დააკავა

Amnesty International - ხელისუფლებამ სისტემატურად დაიწყო აქტივისტების, ჟურნალისტების და ოპოზიციის მხარდამჭერების მიზანში ამოღება

Amnesty International - საქართველოში გამოხატვის თავისუფლების, გაერთიანებისა და მშვიდობიანი შეკრების უფლებები მკვეთრად შეიზღუდა