ჯანდაცვის მინისტრის, ეკატერინე ტიკარაძის განცხადებით, ჯარში კორონავირუსი არ დაფიქსირებულა, მაგრამ არის შსს-ს რამდენიმე თანამშრომელი ვისაც დაუდასტურდა, თუმცა საგნაგაშო არაფერია.

მისი თქმით, აღნიშნულ ჯგუფებში სიტუაცია კონტროლირებადია და მიმდინარეობს დამატებითი სამუშაოები.

„დავიწყებ იმ ჯგუფიდან, სადაც არ დაფიქსირებულა კორონავირუსი და ეს არის ჯარი. ჯარში არ დაფიქსირებულა. არის რამდენიმე შინაგან საქმეთა სამინისტროს თანამშრომელი, სადაც დაფიქსირდა, თუმცა აქ საგანგაშო არაფერია. ასევე არიან ექიმები, ვისაც დაუდასტურდათ. მათი რიცხვი დღესდღეობით არის 20-მდე. ეს გარკვეულწილად იყო მოსალოდნელიც. სწორედ აქედან გამომდინარე იყო დაგეგმილი ეს გაიდლაინი და ალგორითმი, რომლის მიხედვითაც ხდება ამ ჯგუფების ტესტირება. ზოგადად, ამ ჯგუფებში სიტუაცია კონტროლირებადია და ჩვენ დამატებით ვმუშაობთ იმ უსაფრთხოების ზომების და ნორმების დანერგვაში და ასევე მიმდინარეობს გარკვეულწილად ტრენინგები ამ ჯგუფში, რათა ისინი სამომავლოდ იყვნენ უფრო მეტად დაცულები. აქ აღსანიშნავია ის ფაქტი, რომ მათ ძირითადად გადატანილი აქვთ უსიმპტომოდ დაავადება, რაც ჩვენთვისაც გასათვალისწინებელია. თუმცა, პრევენციიდან გამომდინარე, ყველა ის ექიმი ვინც იყო აღმოჩენილი, დროებით იმყოფებიან მონიტორინგის ქვეშ, რათა ჩვენ ზუსტად ვიცოდეთ, რომ მათი მხრიდან უკვე შემდგომი ადამიანების დაინფიცირების რისკი არ არსებობს“, - განაცხადა ეკატერინე ტიკარაძემ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს