საქართველოს პრეზიდენტის სალომე ზურაბიშვილის განცხადებით, ახლა, როდესაც ქვეყანა კორონავირუსული ინფექციის გავრცელების პიკის ფაზაში შედის, არ შეიძლება მოდუნება.

როგორც პრეზიდენტმა რიგგარეშე პლენარულ სესიაზე აღნიშნა, მთავრობისა და ექიმების კოორდინირებული მუშაობის დამსახურებაა ქვეყანაში არსებული სიტუაცია.

მანვე დასძინა, რომ მაშინ, როდესაც ექიმები და ჯანდაცვის პერსონალი დაუღალავად შრომობენ, არ შეიძლება მათ მიმართ ისმოდეს შეურაცხმყოფელი შეფასებები.

„საგანგებო მდგომარეობის საშუალებით ჩვენ შევძელით, პირველ ეტაპზე ვითარების მაქსიმალურად გაკონტროლება და ქვეყნის დაცვა უკიდურესი გართულებებისგან. ეს ერთის მხრივ, მთავრობის დროული და ყველა უწყების კოორდინირებული მუშაობის და მეორე მხრივ, ჩვენი ექიმების დაუღალავი ძალისხმევის პირდაპირი შედეგია. ამიტომ, მგონია არ შეიძლება ამ დროს ექიმების და ჯანდაცვის პერსონალის თავდაუდებელი ბრძოლის მიუხედავად მათ მიმართ ისმოდეს შეურაცხყოფელი განცხადებები, ეს ჩვენ არ გვეკადრება. ყველა მიმართულებით გაწეული ძალისხმევის შედეგია ის, რომ დღემდე ვინარჩუნებეთ დაბალ მაჩვენებლებს და ვიმსახურებთ მაღალ საერთაშორისო შეფასებას, ამის კიდევ ერთი მაგალითია, გუშინდელი ჩემი საუბარი, გაერთოს გენერალურ მდივანთან, მან უმაღლესი შეფასება მისცა საქართველოს ხელისუფლების მიერ ამ პერიოდში გადადგმულ ნაბიჯებს, კერძოდ, ხაზი გაუსვა, რომ წინსწრებით მიღებულმა ზომებმა განაპირობა პირველ ეტაპზე მიღწეული წარმაებები, ამით უნდა ვამაყობდეთ. თუმცა, ახლა როდესაც პიკის ფაზაში შევდივართ, ასეთი შეფასებების მიუხედავად არ უნდა მვიეცეთ თვითკმაყოფილება, არ შეიძლება მოდუნება, პირიქით, ყველამ ვიცით, რომ დაწყებული შიდა გავრცელება სიტუაციის უფრო გამძიმებას გამოიწვევს, მთავარია შიდა გავრცელების ზრდის ტემპი დარჩეს კონტროლ ქვეშ და ყველა მძიმე პაციენტის მკურნალობა იყოს შესაძლებელი, იყოს მათთვის ადგილები, როგორც აქამდე შევძელით“, - განაცხადა პრეზიდენტმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აშშ ფედერალურ დონეზე აღადგენს სიკვდილით დასჯის მეთოდს დახვრეტის გზით

აშშ-მ თეირანთან მოლაპარაკებების დაწყებამდე ირანის ჩრდილოვან ტანკერებსა და ჩინურ ნავთობგადამამუშავებელ ქარხანას სანქციები დაუწესა

„საქართველოს ნავთობისა და გაზის კორპორაციაში“ გაცემული ₾7 მლნ-ის პრემია არ არის სათანადოდ დასაბუთებული - აუდიტი

ლელო: რეჟიმი ცდილობს ბიზნესის ხმა ჩაახშოს, ჩვენ ამ ხმას გავაძლიერებთ