2020-04-16 14:29:54, 1145 ნახვა
კომენტარი
ლალი ტურძელაძე - თუ შეიძლება დარჩით სახლში ნუ წახვალთ სასაფლაოზე, ნუ მივალ ტაძრებშიც
პირველი საუნივერსიტეტო კლინიკის სამედიცინო დირექტორი ლალი ტურძელაძე მოსახლეობას მოუწოდებს ტაძარში და სასაფლაოზე ახლა არ წავიდნენ.
მისი თქმით, როდესაც ყველაფერი ჩაივლის, მერე მივაგოთ პატივი გარდაცვლილებს და მერე წავიდეთ ტაძარში.
ტურძელაძე აღნიშნავს, რომ სხვა შემთხვევაში გამოუვალი მდგომარეობა შეიქმნება.
„თუ შეიძლება დარჩით სახლში, ნუ წახვალთ სასაფლაოზე ახლა. ნუ მივალთ ტაძრებშიც, როცა ვირუსი გადაივლის, ჩაცხრება, მერე ყველამ ერთად კიდეც ვიქეიფოთ, კიდეც დაბადების დღე გადავიხადოთ, საფლავებზეც მივაგოთ პატივი ჩვენს მიცვალებულებს და ტაძრებშიც მერე ვილოცოთ. ძალიან გთხოვთ ყველას, რადგან გამოუვალი მდგომარეობა იწყება“, - განაცხადა ლალი ტურძელაძემ „რუსთავი 2-ის“ ეთერში.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
